segunda, 10 dezembro 2018

MOP ABERTURA FEIRA BA SIÉNSIA NO TEKNOLOJIA IHA UNDIL

DILI, KINTA, 20 SETEMBRU 2018 : S. Exa, Minstru Obras Públika (MOP), Arq. Salvador Eugénio Soares dos Reis Pires, halo abertura ba feira ba siénsia no abilidade ho tema jerál ‘Haburas Siénsia no Teknolojia mak Nu’udar Pasu Úniku ba Dezenvolvimentu Nasionál’ ne’ebé realiza husi estudate husi faukuldade Enjinaria, departamentu Petróliu o Industria, Universidade Dili (UNDIL).

“Siénsia no teknolojia ne’e hanesan meiu, métodu ka dalan kreatividade ne’ebé fasilita ema hala’o servisu, ho prosesu servisu atinji rezultadu ne’ebé di’ak, liuliu ba dezenvolvimentu ekónomiku, sósiu kulturál ba ema nia moris di’ak,” Sr. Ministru hatete liuhosi nia intervensaun iha serimonia abertura ba feria ba siensia no teknolojia iha UNDIL.

Sr. Ministru apresia ho inisiativa estudante sira-nian hodi realiza feira ba siénsia no teknolojia nian iha kampuz UNDIL. Nune’e, kada estudante presiza promove kualidade tolu iha ensiñu superior hodi kontribui ba prosesu dezenvolvimentu nasionál.

“Ha’u hanoin ita-boot sira tenke promove, ida mak kapasidade hanoin krítiku, hanoin atu kestiona, hanoin atu buka solusaun, segundu analítiku, halo analiza ba problema ho opsaun oioin atu nune’e hili opsaun ida atu rezolve problema, ikus ne’e mak abilidade atu rezolve problema,”Sr. Ministru enkoraja estudante sira.

Serimonia abertura ne’e partisipa husi reprezentante Reitór UNDIL, Vise Reitor, Sr. Andre da Costa Belo ‘L4’, Sr. Azevedo Marsal husi SEPFOPE, dekanu no dosente sira inklui estudante sira.

Fontes :#Media_MOP

Parcerias :